ვაშლის ღვეზელი ხაჭოს ცომით

ვაშლის ღვეზელი ხაჭოს ცომით

დღევანდელი  რეცეპტი გახლავთ ვაშლის ღვეზელი. ისეთი გემრიელია, როგორც ზოგადად ვაშლის ნამცხვრებს ეკადრება :)  მზადდება მარტივად. ცომი წინასწარაც შეგიძლიათ მოამზადოთ და მაცივარში შეინახოთ. შემდეგ უცებ ჩაუდებთ გულს, ერთი, ორი, სამი და ღვეზელიც მზადაა!

vaSlis namcxvari

მზადდება ასე:

ცომი

  • 200 გ ხაჭო
  • 200 გ ფქვილი
  • 100გ კარაქი
  • ½ ჩ.კ მარილი
  • 100 გ შაქარი
  • ½ ჩ.კ სოდა
  • 1 კვერცხი

გულსართი

  • 3 ვაშლი
  • ½ ჭიქა ქიშმიში
  • 1 ჩ.კ დარიჩნი
  • 2 ს.კ ლიმონის წვენი
  • 2-3 ს.კ შაქარი
  • 1 ჩ.კ სახამებელი
  •  1 კვერცხი გადასასმელად

ერთმანეთს შევურიოთ შაქარი, სოდა, მარილი და ფქვილი. დავამატოთ კარაქი და ავსრისოთ. შემდეგ  დავამატოთ ხაჭო და კვერცხი. მიღებული ცომი გავახვიოთ ცელოფანში და შევდოთ მაცივარში 1 საათი მაინც, კარგად რომ გაცივდეს და ცოტა გამაგრდეს.

გამოცხობის წინ, ვაშლი დავჭრათ კუბებად. მოვასხათ ლიმონის წვენი. შევურიოთ გარეცხილი, გამშრალი ქიშმიში. დავამატოთ შაქარი და დარიჩინი, ავურიოთ. შემდეგ დავამატოთ სახამებელი და კიდევ კარგად ავურიოთ. ვაშლიან ნამცხვრებში მე ლიმონის ცედრა და ნიგოზიც ძალიან მომწონს, თუმცა ამჯერად არ დამიმატებია.

_DSC0104

გაციებული ცომი ორად გავყოთ (ორი საშუალო რულეტისთვის) და გავაბრტყელოთ. შუაში დავადოთ ვაშლის გულსართი და გადავუკეცოთ ცომის ნაპირები. კარგად შევუწებოთ და მიღებულ რულეტს გადავუსვათ კვერცხი, გამოვაცხოთ  180 გრადუსზე, სანამ არ დაიბრაწება -30 წუთი დაახლოებით.

_DSC0105

_DSC0106

_DSC0107

მზა რულეტებს მოვაყაროთ შაქრის პუდრა. თბილ-თბილი უგემრიელესია. ალბათ ცივიც, მაგრამ სამწუხაროდ არ დასცალდა გაციება…

apple cake

vaSlis cake

Use Facebook to Comment on this Post

შოკოლადის ნამცხვარი გამოცხობის გარეშე

შოკოლადის ნამცხვარი გამოცხობის გარეშე

თუ  ტკბილეული გიყვართ, ღუმელის ჩართვა კი ძალიან გეზარებათ, სწორედ რომ სათქვენო რეცეპტი მოგიტანეთ :)  ეს შოკოლადისა და ბანანის ნამცხვარია გამოცხობის გარეშე! მისი რეცეპტი სადღაც, ინტერნეტში “ყვინთვისას” შემომხვდა და ჩავინიშნე. ძალიან მარტივია და გემოც საკმაოდ ნორმალური. თუმცა, მე პირადად, ჩვეულებრივ-ტრადიციული გამომცხვარი ვერსიები უფრო მხიბლავს. თუმცა ვისთვის როგორ – შეიძლება თქვენ ეს ამჯობინოთ.

gnhdnj

  • 1 ჭიქა შვრიის ფანტელი
  • 100 გ შოკოლადი
  • 1 ბანანი
  • 2 ს.კ გოგრის თესლი (დაჭრილი თხილი, მოხალული ნიგოზი)
  • ვანილი
  • 1 ს.კ კაკაო

გავადნოთ შოკოლადი, შევურიოთ დაჭყლეტილი ბანანი, კაკაო, ვანილი, გოგრის თესლი, ბოლოს შვრია. კარგად ავურიოთ და კოვზით გადავიტანოთ პერგამენტის ან ფოლგის ფურცელზე. შევდოთ მაცივარში გასაციებლად.

აი, სულ ეს არის!

პატარა შენიშვნა –  მე ვფიქრობ, გოგრის თესლს სხვა რაიმე თხილეული აჯობებდა: დაფქული თხილი, ნიგოზი…  გოგრის თესლი აშკარად სხვა ოპერიდანაა ამ რეცეპტში.

გემრიელად მიირთვით და სიცხეს არ შეუშინდეთ ;)

Use Facebook to Comment on this Post

სამარხვო ნამცხვარი გარგრის მურაბით

სამარხვო ნამცხვარი გარგრის მურაბით

ეს ნამცხვარი გარგრის ჯემით ან მურაბით მზადდება და ბრაუნის მაგვარი სველი და ნაზი სტრუქტურა აქვს. თუ მურაბას იყენებთ, ხილის ნაჭრებიანად დაამატეთ. მაგრამ ერთ შენიშვნას გავაკეთებ: მე გარგრის სქელ მურაბას ვამზადებ, შედარებით ცოტა წვენით და დაჭრილი ხილით. თუ თქვენი მურაბა უფრო წვნიანია, შეიძლება ფქვილის დამატება დასჭირდეს. აი, ასე გამოიყურება ჩემი მურაბა:

3d636ffddc76

gargris-mur-1024x682

 

  • 500 მლ  გარგრის სქელი  მურაბა
  • 100 გ შაქარი (თუ მურაბა ძალიან ტკბილია, შესაძლოა შაქარი ნაკლები ან საერთოდ არ დასჭირდეს. ჩემი მურაბები ძალიან ტკბილი არ არის.)
  • 150 მლ წყალი
  • 1 ჩ.კ სოდა
  • ½ ჩ.კ მარილი
  • 2 ჩ.კ ფორთოხლის ცედრა
  • 3 ს.კ კაკაო
  • 250 გ ფქვილი
  • 10 ს.კ ზეთი

 fgfgsfs

 

მურაბა, შაქარი, წყალი, ზეთი, მარილი, ცედრა და სოდა ერთმანეთში ავურიოთ. ბოლოს დავამატოთ გაცრილი ფქვილი და კაკაო.

მიღებული ცომი ჩავასხათ საშუალო ზომის გაშლილ ფორმაში, რომელშიც წინასწარ ჩავაფენთ საცხობ ქაღალდს. გაშლილ ფორმაში ვგულისხმობ უფრო ფართოს, ვიდრე მაღალს და ვიწროს, ჩვეულებრივ ოთხკუთხა ფორმას.

გამოვაცხოთ 180 გრადუსზე დაახლოებით 20-30 წუთი. გამოდის აი ასეთი, ნოტიო და  რბილი, როგორც ზედა ფოტოზე ჩანს. ვფიქრობ მოუხდება სხვა მურაბებიც – მარწყვის, ჟოლოს და ა.შ.

Use Facebook to Comment on this Post

ბეზეს  ხრაშუნა ნამცხვრები შოკოლადით და თხილით  – უგემრიელესი!

ბეზეს ხრაშუნა ნამცხვრები შოკოლადით და თხილით – უგემრიელესი!

დღევანდელი რეცეპტი რამდენადაც ადვილია, იმდენად გემრიელია. უფრო მეტადაც კი. როცა რაიმე სხვა რეცეპტიდან კვერცხის ცილები მოგრჩებათ, გირჩევთ ასეთი შესანიშნავი გამოყენება მოუძებნოთ.

beze cookie

  • 4 მსხვილი კვერცხის ცილა
  • 150 გ შაქარი
  • 1 ჭიქა მოხალული თხილი
  • 100 გ შოკოლადი
  • ვანილი
  • მარილი
  • 3 ს.კ ფქვილი

ცილა და შაქარი ორთქლზე დავდგათ და გავათბოთ, თან ვურიოთ რომ შაქარი გადნეს. მოხალული თხილი მსხვილად დავჭრათ, შოკოლადი წვრილად, ან პირდაპირ შოკოლადის წვეთები გამოვიყენოთ.

შაქარი რომ გადნება, ცილა გადმოვდგათ და  დავიწყოთ  თქვეფა. გავაკეთოთ მკვრივი, პრიალა ბეზე. შევურიოთ ვანილი და გაცრილი ფქვილი, მიქსერის გარეშე, ფრთხილად ამოვურიოთ. დავამატოთ შოკოლადი და თხილიც.

მიღებული მასა კოვზით დავალაგოთ ქაღალდჩაფენილ ტაფაზე და გამოვაცხოთ 180 გრადუსზე, დაახლოებით 20 წუთი. ბეზე უნდა გამოშრეს, მაგრამ ფერი მკვეთრად არ უნდა შეიცვალოს.

გამოცხობის შემდეგ ქაღალდიანად გადმოვიღოთ ტაფიდან, რამდენიმე წუთის შემდეგ, როცა ოდნავ გაგრილდება, ადვილად ასძვრება ქაღალდიდან.

გამოდის დაახლოებით 30 ცალი, საშუალო ზომის ნამცხვარი.

fghdgh

Use Facebook to Comment on this Post

ხრაშუნები თხილეულით

ხრაშუნები თხილეულით

ამ ბოლო დროს, ცოტა არ იყოს, ვპასიურობთ, არა და უამრავი რეცეპტი დაგვიგროვდა :)   აი, თუნდაც ეს რეცეპტი, რა ხანია ელოდება დღის სინათლეს. არა და ისეთი გემრიელი იყო, ნამდვილად ღირს, რომ თქვენც გაგიზიაროთ :)

 _DSC0034

  • 200 გ დარბილებული კარაქი
  • 200 გ შაქარი
  • 2 დიდი კვერცხი
  • ვანილი
  • 300 გ ფქვილი
  • ½ ჩ.კ დაფქული ჯანჯაფილი
  • ½ ჩ.კ დაფქული დარიჩინი
  • 2/3 ჩ.კ სოდა
  • ½ ჭ დაჭრილი შოკოლადი ან შოკოლადის წვეთები
  • 1 მუჭა კედარის კაკალი (თუ არ გაქვთ, გამოტოვეთ ან ქიშმიშით ჩაანაცვლეთ)
  • 1 მუჭა თხილი, დაჭრილი
  • 1 მუჭა ნიგოზი, დაჭრილი
  • 1 მუჭა შტოშის, ალუბლის, ქლიავის ან სხვა ჩირი, დაჭრილი
  • ½ ჩ.კ მარილი

კარაქი და შაქარი კარგად ავთქვიფოთ მიქსერით, შევურიოთ კვერცხები, სოდა, ჯანჯაფილი, დარიჩინი, ვანილი. შემდეგ შევურიოთ ფქვილი. ბოლო ეტაპზე ვამატაებთ მარილს, თხილეულს და ჩირეულს.

თუნუქის ფურცელზე დავაფინოთ საცხობი ქაღალდი და ორი კოვზის დახმარებით ცომის პატარა ბურთულები დავსხვათ. გამოვაცხოთ 180 გრადუსზე დაახლოებით 20 წუთი, სანამ ღია ოქროსფერს არ მიიღებს.

ფქვილის ნაწილი შეიძლება ჩანაცვლდეს შვრიით, ასევე ძალიან გემრიელი გამოდის.

 

 

Use Facebook to Comment on this Post

შოკოლადის რგოლები – ძალიან ადვილი რეცეპტი

შოკოლადის რგოლები – ძალიან ადვილი რეცეპტი

ეს ნამცხვრები საბავშვო ტკბილეულობის წიგნიდანაა, რომელიც ჩემს შვილს ვაჩუქე.  მარტივი, რეცეპტებია, ისეთი, ბავშვები რომ საკუთარი ხელით გააკეთებენ.   გულწრფელად რომ გითხრათ, არ მიყვარს სამზარეულოში პატარების შეშვება, ხომ ხვდებით რატომაც…  მაგრამ  ჯერ ეს წიგნი და შემდეგ კი რაიმეს გამოცხობა ისე  ძალიან უნდოდა, რომ ნება დავრთე და ცოტა დავეხმარე კიდეც.

მაშ ასე, სპეციალურად რატატუისთვის ჩემი რვა წლის მზარეულისგან :)

_DSC0001 (Copy)

 

180 გ კარაქი, დარბილებული

180 გ შაქარი

240-250 გ ფქვილი

2 ს.კ კაკაო

მწიკვი მარილი

შაქრის პუდრა ამოსავლებად


თასში, შაქრის პუდრის გარდა ყველა ინგრედიენტი მოვათავსოთ და ხელით ან მიქსერით კარგად ვზილოთ რამდენიმე წუთის განმავლობაში. ცომი ორად ან სამად გავყოთ, მივცეთ ძეხვის ფორმა, შემოვახვიოთ სამზარეულოს ცელოფანი და მაცივარში 15 წუთით შევდოთ.

გამოვიღოთ ცომი და ამოვავლოთ შაქრის პუდრაში ( ან ფერად-ფერად შაქრის ბურთულებში, ან ჩვეულებრივ მსხვილ შაქარში) . დავჭრათ 1 სმ სისქის რგოლებად. ცომი საკმაოდ ფხვიერია, ამიტომ ბასრი დანა გამოვიყენოთ დასაჭრელად. რგოლები  თუ დეფორმირდა, არა უშავს, ტაფაზე გადატანისას ხელით მოვამრგვალოთ ისევ.

ფორმას დავაფინოთ ქაღალდი და დავალაგოთ დაჭრილი ცომი, გამოვაცხოთ 180 გრადუსზე გახურებულ ღუმელში 10-15 წუთი.

*ცომს, შეგვიძლია, დაფქული დარიჩინიც დავამატოთ, მეტი არომატისთვის.

მე როგორც მთავარი დეგუსტატორი, გეტყვით, რომ მშვენიერი გამოვიდა და გამოცხობიდან მალევე გაქრა :)

 

Use Facebook to Comment on this Post

ხილის ნამცხვარი ბეზეს ქუდით – ზაფხულის ნამცეცი ზამთრის ცივ დღეს

ხილის ნამცხვარი ბეზეს ქუდით – ზაფხულის ნამცეცი ზამთრის ცივ დღეს

ეს გემრიელი ნამცხვარი ზაფხულის ბოლო დღეს გამოვაცხე, მაგრამ აქამდე ვერ მოვახერხე თქვენთვის გამეზიარებინა. ისეთი არც არაფერია,ახლა რომ ვერ გაიმეოროთ: ატამი ვაშლით,მსხლით ან კომშით თხელი ნაჭრებით შეცვალეთ. ჟოლო გაყინული გამოიყენეთ ან სხვა კენკრით ჩაანაცვლეთ. შეგიძლიათ მხოლოდ ერთი სახეობის ხილით მოამზადოთ, თუნდაც სრულიად განსხვავებულით, მაგალითად გაყინული ალუბლით,ან ფორთოხლით – წარმოიდგინეთ, რა გემრიელი გამოვა!

მე გამოვაცხე საკმაოდ დიდი ზომის, გაზქურის  სტანდარტულ თუნუქის ფურცელზე, სტუმრებისთვის. შეგიძლიათ გაანახევროთ რაოდენობა და საშუალო ზომის ნამცხვარი გამოგივათ.

_DSC0072 (Copy)

 

300 გ შაქარი

400 გ ფქვილი

4 კვერცხი

1.5 ჩ.კ სოდა

500 გ მაწონი

ვანილი

100 მლ ზეთი/გამდნარი კარაქი

1.5 -2 ჭ ნებისმიერი ხილი, გაყინული ან ცოცხალი (მე მქონდა ატამი და გაყინული ჟოლო)

 

კვერცხის ცილა და გული გავაცალკევოთ. გულებს დავამატოთ ნახევარი შაქარი და ავთქვიფოთ,შემდეგ ეტაპობრივად ვამატებთ დანარჩენ ინგრედიენტებს: მაწონს, ზეთს, სოდას, ფქვილს, ვანილს.

ცალკე ავთქვიფოთ ცილა და დარჩენილი შაქარი.

თუ დიდი ზომის ხილს ვიყენებთ, გავთალოთ (თუ საჭიროა) და დავჭრათ საშუალო ზომაზე.

ფორმას წავუსვათ ცხიმი ან ჩავაფინოთ ქაღალდი, დავასხათ ცომი, დავალაგოთ ხილი და ზემოდან გადავუსვათ ბეზე. ვაცხობთ 180 გრადუსზე, დაახლოებით 30-40 წუთი, ნამცხვრის სისქიდან და ზომიდან გამომდინარე.

გემრიელად მიირთვით :)

Use Facebook to Comment on this Post