უგემრიელესი ტარტი ლიმონის კრემით და მარწყვით

უგემრიელესი ტარტი ლიმონის კრემით და მარწყვით

ეს ტარტი ძალიან ადვილია და მართლაც ძალიან გემრიელი. წარმოიდგინეთ ხრაშუნა ცომის კალათში მოთავსებული არომატული ლიმონის კრემი და გემრიელი, სურნელოვანი, ტკბილი მარწყვი…

მე საშუალო ზომის ინდივიდუალურ ფორმებში მოვამზადე, მაგრამ შეიძლება 1 დიდი ტარტი გააკეთოთ.

tarti

  • 120 გ კარაქი
  • 200 გ ფქვილი
  • 1 პატარა კვერცხი
  • 2 ს.კ შაქარი
  • მწიკვი მარილი

გამოდის 6 საშუალო ზომის ტარტი (ფორმა 11.5 სმ დიამეტრის)

  • ლიმონის კრემი: 12 ჩ.კ  (იხილეთ რეცეპტი)
  • მარწყვი

 

დარბილებული კარაქი, შაქარი, მარილი და ფქვილი ერთმანეთში ავსრისოთ, დავამატოთ კვერცხი და კარგად ავურიოთ. მიღებული ცომი გავაბრტყელოთ , გამოვჭრათ და ჩავაფინოთ ფორმებში. როგორც ზემოთ უკვე ვთქვით,  შეიძლება პატარების ნაცვლად 1 დიდი ტარტი გავაკეთოთ.  ფორმებიანად გავაციოთ მაცივარში 30 წუთი, ჩანგლით დავჩხვლიტოთ და გამოვაცხოთ დაახლოებით 15-20 წუთი 180 გრადუსზე. გამოვიღოთ და გავაციოთ.

გაციებულ ტარტს წავუსვათ კრემი, თითოეულს 2 ჩაის კოვზი და მოვრთოთ მარწყვით.

ტარტიც მზადაა და ალბათ თქვენც – პირის ჩასატკბარუნებლად :)  გემრიელად მიირთვით!

 

Use Facebook to Comment on this Post

სააღდგომო ჩიტის ბუდე

სააღდგომო ჩიტის ბუდე

ვფიქრობ, სახალისო იდეა :)   ჩემს შვილებს ძალიან მოეწონათ მზადებისა და დაგემოვნების პროცესიც,  განსაკუთრებით ბუდეებიდან კვერცხების მოპარვა ;)

 citis bude

ტარტალეტკის ცომისთვის:

150 გ კარაქი /მარგარინი

3 კვერცხის გული

50 გ შაქარი

280-300 გ ფქვილი

2 ჩ.კ კაკაო

მწიკვი მარილი

 

კრემი: 3 კვერცხის ცილა, 120-150 გ შაქარი

 

ფორთოხლის, შინდის ან ჟოლოს ან სხვა სასურველი ჯემი

შოკოლადის მინი კვერცხები, თითოეული  ტარტალეტკისთვის  2-3 ცალი, ზომის მიხედვით

 

ფქვილი , მარილი, შაქარი და კაკაო ავურიოთ ერთმანეთში. თუ თეთრი ტარტალეტკები გვინდა, კაკაოს ნუ დავამატებთ.

დავამატოთ დარბილებული კარაქი და ხელით კარგად ავსრისოთ. ბოლოს შევურიოთ კვერცხის გულები.

შეგვიძლია ეს ყველაფერი ფუდ პროცესორში ან ბლენდერში გავაკეთოთ, ოღონდ ამ შემთხვევაში კარაქი ცივი უნდა იყოს.

გავანაწილოთ ფორმებში და ჩანგლით დავჩხვლიტოთ. მაცივარში გავაციოთ დაახლოებით 20-30 წუთი და გამოვაცხოთ 170-180 გრადუსზე.

 

კრემი: ბეზეს დავამატოთ ცოტა მარილი, ჭურჭელი დავდგათ   ორთქლის აბაზანაზე და დავიწყოთ თქვეფა. (ცეცხლი უნდა იყოს დაბალი, რათა წყალი უნდა იყოს დუღილის ზღვარზე) როცა  ცილა ღრუბლის კონსისტენციას მიიღებს, ვიწყებთ შაქრის დამატებას ნაწილ-ნაწილ, 3 ეტაპად , თქვეფის შეუჩერებლად. საბოლოოდ უნდა მივიღოთ მყარი, მდგრადი, პრიალა მასა.

გაცივებულ ცომის კალათებში გავანაწილოთ თითო ჩაის კოვზი ჯემი, ბეზე გადავიტანოთ საკონდიტრო ტომარაში,  სასურველი ფიგურული პირით. ჯემის ზემოდან დავადოთ ბეზეს თხელი ფენა, შემდეგ კი გარშემო ბუდესავით ავუმაღლოთ ნაპირები. ამ ბუდეში ჩავალაგოთ 2-3 კვერცხი

 

Use Facebook to Comment on this Post