ბრინჯი ბოსტნეულით და კარის ფხვნილით

ბრინჯი ბოსტნეულით და კარის ფხვნილით

ეს კერძი არაჩვეულებრივი გარნირია ქათმის ხორცისთვის, მაგრამ მის გარეშეც შეგიძლიათ მიირთვათ, როგორც დამოუკიდებელი კერძი.  კარის ფხვნილი თუ არ გიყვართ ან არ გაქვთ, უიმისოდ  მოამზადეთ, თუმცა ის ულამაზეს ყვითელ ფერს და დამახასიათებელ არომატს აძლევს.  კარის ფხვნილი (არსებობს კარის პასტაც) გახლავთ რამდენიმე სუნელის ნაზავი, თუმცა დამახასიათებელ ფერს და არომატს აძლევს მთავარი ინგრედიენტი კურკუმა.

curry rice

  • 1 ჭიქა ბრინჯი ბასმატი
  • 200 გ ყვავილოვანი კომბოსტო
  • 1 პატარა თავი ხახვი
  • 1 კბილი ნიორი
  • 1 სტაფილო
  • 120 გ გაყინული ან კონსერვირებული სიმინდი
  • 120 გ გაყინული ბარდა
  • 1 ჩ.კ კარის ფხვნილი
  • მარილი, პილპილი
  • ქინძი

ბრინჯი წინასწარ მოვხარშოთ, გადავწუროთ და ცივი წყალი გადავავლოთ.

წვრილად დაჭრილი ხახვი, ნიორი  და კუბებად დაჭრილი სტაფილო მოვშუშოთ 2-3 ს.კ ზეთში, საშუალო ცეცხლზე.  დავამატოთ გაყინული ბოსტნეული და ვშუშოთ კიდევ 2-3 წუთი.  გაყინული ბოსტნეული, როგორც წესი, ქორფაა და ეს დრო სავსებით საკმარისია მათი მომზადებისთვის. შემდეგ დავამატოთ ასევე წვრილა დაჭრილი ყვავილოვანი კომბოსტო და კვლავ ვშუშოთ 3-4 წუთი. საბოლოოდ, ბოსტნეული ძალიან არ უნდა დარბილდეს და უნდა შეინარჩუნოს სიხრაშუნე.

დავამატოთ ბრინჯი, კარგად ამოვურიოთ, შემდეგ დავამატოთ კარი და კვლავ ავურიოთ. დავტოვოთ საშუალო ცეცხლზე 1-2 წუთი. ბოლოს დავამატოთ მარილი, პილპილი და ნედლი ქინძი.

ბოსტნეულის სახეობები შეგიძლიათ თქვენი გემოვნებით და სურვილით შეცვალოთ, მიჰყევით ფანტაზიას :)

curry-rice

Use Facebook to Comment on this Post

ღუმელში შემწვარი არომატული ყვავილოვანი კომბოსტო

ღუმელში შემწვარი არომატული ყვავილოვანი კომბოსტო

ჩემდა გასაკვირად, ეს მშვენიერი, უპრეტენზიო ბოსტნეული ბევრს არ უყვარს. არა და მისგან ნამდვილად შეიძლება გემრიელი კერძების მომზადება! აი ერთ-ერთი მათგანიც :)

yvavilovani kombosto

რა დაგჭირდებათ ამ კერძის მოსამზადებლად?

  •  1 საშუალო თავი ყვავილოვანი კომბოსტო
  • 1 ლიმონის ცედრა
  • 2 კბილი ნიორი
  • 3 ს.კ ზეთი
  • 1 ჩ.კ მდოგვი
  • მარილი
  • პილპილი
  • 1/3 ჭიქა დაფქული პური
  • 50 გ ყველი ჩედარი (ან სხვა სასურველი ყველი)

კომბოსტო შეგვიძლია წინასწარ მოვწალოთ მდუღარეში 2 წუთი, ან პირდაპირ უმად გამოვიყენოთ.

ლიმონის ცედრა, ზეთი, მდოგვი, დაჭყლეტილი ნიორი, მარილი და პილპილი კარგად ავურიოთ.

ყვავილედებად დანაწევრებული კომბოსტოს მოვასხათ სოუსი, მოვაყაროთ ყველი და საფანელი (დაფქული პური). გადავიტანოთ ტაფაში და შევწვათ ღუმელში 180 გრადუსზე 20-25 წუთი

yvavilovani

ფოტოზე ჩანს რომ ლიმონის ნაცვლად ლაიმს ვიყენებ. იმიტომ რომ აქ, სადაც ახლა ვცხოვრობ ლაიმი ლიმონზე ბევრად იაფი ღირს :)  მისი არომატი ლიმონზე ბევრად ნაზია, მაგრამ ჩანაცვლება თავისუფლად შეიძლება. იგივეს თქმა შემიძლია ჩედარზეც, რომელიც აქ ასევე ძალიან იაფია, საქართველოსგან განსხვავებით. სიმართლე გითხრათ, მისი გემო სულაც არაა რაღაც სასწაული და განმსაზღვრელი, ამიტომ თამამად ჩაანაცვლეთ კარგი ქართული სულგუნით ან სხვა ყველით, შეგიძლიათ მეტიც დაახეხოთ – კარგი ყველი არასოდესაა ბევრი!

გემრიელად მიირთვით!

Use Facebook to Comment on this Post

მწნილი თუ მურაბა? (პატარა რეპორტაჟი ბათუმიდან)

მწნილი თუ მურაბა? (პატარა რეპორტაჟი ბათუმიდან)

საკვები პროდუქტების დამწნილება ჯერ კიდევ 4 000 წლის წინ დაიწყეს. მაგალითად, ინდოეთში საკმაოდ პოპულარული  იყო კიტრის მწნილი, რასაც ჩრდილოეთ ინდოეთში, „აჩარს“ უწოდებენ.

დამწნილების მეთოდს სეზონური საკვები პროდუქტების შესანახად იყენებდნენ, მწნილს კი მაშინ მიირთმევდნენ, როდესაც სეზონის მიხედვით, ესა თუ ის პროდუქტი არ მოიპოვებოდა. დამწნილებული პროდუქტების წაღება საკმაოდ კომფორტულად ითვლებოდა ხანგრძლივი, საზღვაო მოგზაურობის დროს. საგემოვნო თვისებების გამო, მწნილები საკმაოდ პოპულარულ საკვებად ითვლებოდა ადრეც და ახლაც.

დღეს მწნილი უკვე არა მოგზაურობის დროს თავის გასატანად, არამედ გემოს მრავალფეროვნებისთვის კეთდება. კიტრი, პამიდორი, კომბოსტო, ყვავილოვანი კომბოსტო, ნიორი, ჭარხალი… მწნილდება ყველაფერი, რაც გემრიელია :D თუმცა, ყველაზე პოპულარული მაინც კიტრის მწნილია, ყოველ შემთხვევაში – ჩვენში.

kitris_mtsnili_by_marneuli

კიტრი, ერთი შეხედვით, თითქოს “ისეთი არაფერი” ბოსტნეულია. სინამდვილეში უხვად შეიცავს კალიუმს, კალციუმს, რკინას, ფოსფორს, იოდს, კაროტინს, C, B1, B2 ვიტამინს, A პროვიტამინს, ორგანულ მჟავებსა და სხვა სასარგებლო ნივთიერებებს.

დიდი ხანია კიტრს იყენებენ კოსმეტოლოგიაში. მისი წვენი აქრობს ჭორფლს, ფერისმჭამელებს, პიგმენტურ ლაქებს. სპეციალისტების რჩევით, ძვირად ღირებულ პროცედურებთან ერთად, სასურველია, დროდადრო სახე გაიწმინდოთ ნედლი კიტრით.

კიტრი ხელს უწყობს საკვების სწრაფად ათვისებასა და ორგანიზმიდან ზედმეტი სითხის გამოდევნას. განსაკუთრებით რეკომენდებულია კუჭ-ნაწლავის (როგორც გამხსნელი საშუალება), ღვიძლისა და თირკმლების დაავადებების დროს.

სხვათა შორის, სასარგებლო თვისებები კარგად ნარჩუნდება მწნილებშიც.

mtsnili_by_marneuli

ჩვენს ფეისბუქ-მეგობრებს ახსოვთ ალბათ, მარნეულის სასურსათო ქარხნის ყოველწლიური, მწნილისა და მურაბის ფესტივალიდან რომ შეგპირდათ რეპორტაჟს რატატუი.

ბათუმში ეს ფესტივალი ბათუმობის დღესასწაულს დაემთხვა და ბათუმობის მონაწილე უამრავ ადამიანს შეეძლო უფასოდ გაესინჯა ეროვნული წარმოების პროდუქცია.

მე ბათუმში მეგობრებს – ფესტივალის ორგანიზატორებს შევუერთდი. გავსინჯე თითქმის ყველაფერი, მჟავე თუ ტკბილი, რასაც მარნეულის ქარხანა აწარმოებს.

mtsnili_da_muraba

გავსინჯე ლეჩო (პამიდორ-სტაფილო-ბულგარულის რაგუ), ნაირნაირი ტყემლები, პამიდვრის სოუსები, კაკლის და შინდის მურაბები.

აი მანდარინის მურაბა ვერ ვიხვედრე და დარდად დამრჩა. ძალიან მაინტერესებს როგორია :(

marneulis_murabebi

სხვათა შორის, პირველად გავსინჯე ყვავილოვანი კომბოსტოს მწნილი და ეს ყოფილა რაც ყოფილა ! <3 ხრატუნა და ტკბილ-მჟავე. მოკლედ, დამწნილებული ყვავილოვანი კომბოსტო ჩემი ფავორიტია, პატარა პიკულებთან ერთად <3

სამაგიეროდ, პამიდვრის მწნილს ვერ ვუჭერ მუღამს :( მიუხედავად იმისა, რომ პატარა, თოთო „ჩერი“ პამიდვრები აქვთ დამწნილებული, ძალიან ტკბილია და გემრიელი, მაინც ეს ის არ არის, რაც მე მიყვარს.

kitri_marneuli_ratatui

ასევე, მქონდა ბედნიერება, კიდევ ერთხელ დავკვირვებოდი, როგორ იქცევა ადამიანების ნაწილი, როცა საჭმელი უფასოა..

თუმცა ამაზე შემდეგ პოსტში მოგიყვებით, ცოტა ვრცლად.

 

Use Facebook to Comment on this Post

ყვავილოვანი კომბოსტოს გრატენი

ყვავილოვანი კომბოსტოს გრატენი

სიტყვა “გრატენმა” არ დაგაბნიოთ, ეს ძალიან მარტივი და გემრიელი კერძია, რომელსაც რუსები “ზაპეკანკას” ეძახიან, ჩვენ კი მობრაწულად გადმოვაკეთეთ. თუმცა უკვე იმდენმა მითხრა რა სასაცილო და სულელური სიტყვააო ეს მობრაწულა, ავდექი და ისევ გრატენი მივაწერე. მოკლედ, დაარქვით როგორც გნებავთ, მთავარია, გემო მოგეწონოთ.

ზოგჯერ ყვავილოვანთან ერთად ბროკოლისაც ვურევ, თქვენც სცადეთ :)

 

1 საშუალო ზომის ყვავილოვანი კომბოსტო

200 გ ნაღები 20% ან არაჟანი

2 კვერცხი

კამა

1 ჭ გახეხილი ყველი

მარილი

პილპილი

2 ს.კ საფანელი

 

 _DSC0036 copy

კომბოსტო 2წუთით მოვწალოთ მდუღარე მარილიან წყალში. გადაწურვის შემდეგ დავშალოთ ყვავილედებად ან დავჭრათ საშუალო ზომის ნაჭრებად და

გადავიტანოთ ცხიმწასმულ ფორმაში. მოვაყაროთ დაჭრილი კამა და ცოტა ყველი.

ნაღები და კვერცხი ერთად ავთქვიფოთ, დავამატოთ მარილი და პილპილი გემოვნებით. თუ ყველი მლაშეა, მარილი აღარ დავამატოთ სოუსს.

მოვასხათ ეს ნარევი კომბოსტოს, ზემოდან დარჩენილი ყველი დავამატოთ და საფანელი მოვაფრქვიოთ.

ვაცხობთ წინასწარ 200 გრადუსზე გახურებულ ღუმელში, დაახლოებით 20 წუთი. ზემოდან გრილის საშუალებით მოვბრაწოთ.

აი, სულ ესაა :) გემრიელად მიირთვით!

Use Facebook to Comment on this Post

Vegetables with Sausage Bake / ბოსტნეულისა და სოსისის ბრაწულა [Video]

Vegetables with Sausage Bake / ბოსტნეულისა და სოსისის ბრაწულა [Video]

baked_vegetables_sausage

Ingredients :/ შემადგენლობა:

5 Carrots / 5 სტაფილო
3 Green paprika / 3 მწვანე ბულგარული წიწაკა
Green onion (Scallions) / მწვანე ხახვი
Dill / კამა
Coriander / ქინძი
Sausage 600g. / სოსისი 600გ.
4 Tomatoes / 4 პომიდორი
1 Cauliflower (about 800g.) / 1 ყვავილოვანი კომბოსტო (დაახლ.800გ.)
Rice 300g. / ბრინჯი 300გ.
Cheese 250g. / ყველი 250გ.
6 Eggs / 6 კვერცხი
Cream 200g. / ნაღები 200გ.
Oil / ზეთი
Black pepper / პილპილი
Dried coriander / ხმელი ქინძი
Salt / მარილი

(ვიდეოს ახლავს ქართული სუბტიტრები)

 

 

Use Facebook to Comment on this Post

ბოსტნეულის ღვეზელი

ბოსტნეულის ღვეზელი

 

ბოსტნეულის ღვეზელები გიყვართ? თუ კი, მაშინ კითხვა განაგრძეთ :) თუ არა, მაშინ მომწერეთ კომენტარებში და რაიმე გემრიელ რეცეპტს თქვენთვის აუცილებლად მოვძებნი :)

სიმართლე რომ გითხრათ ეს ფოტო კარგა ხნის წინ გადავიღე, მაგრამ მხოლოდ ახლა მოვახერხე გამოქვეყნება…   არდადეგებზე მივდიოდი და მაცივარში არსებული პროდუქტების უტილიზაცია მინდოდა, ეს ღვეზელი სწორედ ამის შედეგად შეიქმნა :)

თუ გადაწყვეტთ, რომ მოამზადოთ, მოიმარაგეთ:

 

gvezel

1 შეკვრა მზა  ფენოვანი ცომი

500 გ  ბოსტნეული: ყვავილოვანი კომბოსტო, ბროკოლი, სოკო

200 გ ნაღები 20%

2 კვერცხი

ყველი

მარილი

პილპილი

 

სოკო დავჭრათ და ტაფაზე ცოტა ცხიმში დავბრაწოთ. ბროკოლი და ყვავილოვანი კომბოსტო მოვწალოთ მარილწყალში რამდენიმე წუთით. გადავწუროთ და გავაგრილოთ.

 

თასში ავთქვიფოთ კვერცები. ცოტა გადავინახოთ, დანარჩენი კი ნაღებს შევურიოთ. დავამატოთ  მარილი, პილპილი. ცომი გავშალოთ ფორმაში და გავანაწილოთ მასზე ბოსტნეული.  მოვასხათ სოუსი და მოვაყაროთ გახეხილი ყველი. ზემოდან გადმოვაკეცოთ გვერდები.  ათქვეფილი კვერცხი გადავუსვათ და 180-200 გრადუსზე გამოვაცხოთ დაახლოებით 30-40 წთ, სანამ  დაიბრაწება.

Use Facebook to Comment on this Post

თეთრი კრემ-სუპი ოხრახუშის პესტოთი

თეთრი კრემ-სუპი ოხრახუშის პესტოთი

მე ეს კრემ-სუპი ძალიან მიყვარს. ჯერ ერთი, ძალიან მარტივია, თან გემრიელი. თევზთან ერთად განსაკუთრებით, თუმცა მის გარეშეც შეიძლება. უფრო ხშირად ცივ დღეებში ვამზადებ, თუმცა მსუბუქია და ნებისმიერ დროს შეიძლება მირთმევა. იმედი მაქვს მოგეწონებათ და თქვენს მენიუშიც შეიტანთ :)

sipi tetri

 

400 გ ყვავილოვანი კომბოსტო

400 გ კარტოფილი

1 ხახვი

1-2 კბილი ნიორი

4 ს.კ ოხრახუშის პესტო (რეცეპტისთვის დააწკაპუნეთ ამ ბმულზე )

მარილი და პილპილი

დამარილებული ორაგული სურვილით

 

წვრილად დაჭრილი ხახვი და ნიორი მოვშუშოთ ზეითუნის ზეთში. ~

დავამატოთ დაჭრილი კარტოფილი და დაახლოებით 600-800 მლ წყალი.

კარტოფილი რომ თითქმის მოიხარშება, ჩავამატოთ ყვავილოვანი კომბოსტო და ვხარშოთ დარბილებამდე.

სუპი ბლენდერით ვაქციოთ ერთიან მასად და დავამატოთ მარილი და პილპილი გემოვნებით. (თუ სუპი სქელი მოგეჩვენათ, გაათხელეთ წყლით)

მზა წვნიანს თეფშზე გადმოღების შემდეგ ვამატებთ თითო კოვზ ოხრახუშის პესტოს და ორაგულის ნაჭრებს.

 

Use Facebook to Comment on this Post