ვაშლის ნამცხვარი (“პეროგი”)

ვაშლის ამ უგემრიელესი და უპოპულარულესი ნამცხვრის გასაკეთებლად დაგვჭირდება:

  • 200 გ გაცრილი ფქვილი
  • 100გ მარგარინი
  • 2 ს. კ ცივი წყალი
  • 1 კვერცხის გული
  • 1 კგ ვაშლი (ცოოტა მომჟავო)
  • 2 ს.კ ლიმონის წვენი
  • 100 გ შაქარი
  • 3 კვერცხი
  • 125 გ ნაღები

პირველ რიგში, ფქვილის, მარგარინის, ცივი წყლისა და კვერცხის გულისაგან მოვზილოთ ცომი, ვიდრე ერთგვაროვან მასას არ მივიღებთ. ცომი გადავახვიოთ საკონდიტრო ცელოფანში და შევინახოთ მაცივარში 2 საათით.

2 საათის შემდეგ გამოვიღოთ და გადავაბრთყელოთ მრგვალ საცხობ ფორმაზე, ისე, რომ ცომი ფორმის კედლებზეც ამოვიყვანოთ. (უმჯობესია იმხელა ფორმა აიღოთ, რომ ცომი ძალიან არ გაგითხელდეთ გაბრტყელებისას და სრულად ეყოს კიდეებამდე).

ჩავრთოთ ღუმელი 200 გრადუსზე.

ამასობაში გავფცქვნათ ვაშლები, გავჭრათ შუაზე, ამოვაცალოთ გულები, ჩავჭრათ თხელ ფირფიტებად და ცომზე დავაწყოთ, ზევიდან კი ფუნჯით გადავუსვათ ლიმონის წვენი. შევდგათ ცხელ ღუმელში 30-35 წუთით.

პარალელურად, ავთქვიფოთ 3 კვერცხი და შაქარი კარგად, ვიდრე შაქარი სრულად არ გაიხსნება. დავამატოთ ნაღები და კიდევ კარგად ავთქვიფოთ. ბოლოს, გამოვიღოთ ღუმელიდან უკვე შეწითლებული ვაშლები და ზემოდან მოვასხათ ეს გამზადებული მასა.

ნამცხვარი შევაბრუნოთ ღუმელში 20-30 წუთით და გამოვაცხოთ. როცა მზად იქნება, დავაცადოთ, რომ გაცივდეს ცოტა და შემდეგ ამოვიღოთ ფორმიდან, ან ფორმაშივე დავჭრათ.

ძალიან გემრიელია და ვიტამინებია მნია მნიააა…. :))

პ.ს. ვაშლის ნამცხვარს, ზოგადად, ძალიან უხდება დარიჩინი, თუ გიყვართ, შეგიძლიათ დაამატოთ ცომში, ან მოაყაროთ ზემოდან შაქრის პუდრასთან ერთად :)

Use Facebook to Comment on this Post

2 thoughts on “ვაშლის ნამცხვარი (“პეროგი”)

  1. ამას მემგოონი შაქრის და ნაღების მასაში ცოტაოდენი მოხალული თხილიც არ აწყენდა, ან ქიშმიში..დიდი მადლობა ასეთი გემრიელი და თან ადვილად მოსამზადებელი სასუსნავების მოწოდებისთვის!!! :) და ნაღებს რა სახით ყიდულობთ ქაღალდის ქილებში რომაა ის უნდა შევიძინო ?

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>